GLOBAL GAME JAM Skopje 2025
Здраво џемери! Нов, свеж, тазе Глобал Гејм Џем Скопје 2025 е веќе на тацната!
Во прилог одговори на Ч(есто)П(оставувани)П(рашања):
💢 ОПШТО за GGJ
Global Game Jam е најголемиот интернационален настан за креирање на игри кој се одржува еднаш годишно, истовремено на повеќе локации низ целиот свет во вид на 48часовен маратон. Како дел од International Game Developers Association (IGDA) неговата цел е да ги обедини сите кои креираат или имаат желба да креираат игри и да поттикне креативност, соработка и експериментирање. Во 2024 година на Global Game Jam се сретнаа 439,047+ џемери, се одржа на 1761 локации во 132 земји и беа создадени 89,146+ игри.
🎶 КОМПОЗИЦИЈА НА #ggjs25
23.1.2025: ГГЈС Токс: загревање пред ГГЈС25
24-26.1.2025: Глобал Гејм Џем Скопје 2025
🗣️ ГЕЈМ ДЕВ ТОКС (23.1.2025)
Пред официјалното џемање се загреваме со муабети и предавања поврзани со Глобал Гејм Џем. Овој пат ги имаме Кристијан Трајковски од Dark-1 и Матеј Плавевски, студент и долгогодишен џемер.
Двајцата ќе ви доловат две различни перспективи. Матеј за тоа како е да дојдеш „сам“ на гејм џем и да работиш во тим, а Кристијан за тоа како од џемање да прераснете во фул-блоунд студио!
⚙️ ГЛОБАЛ ГЕЈМ ЏЕМ СКОПЈЕ 2025 (24-26.1.2025)
Петок од 20:00 часот го гледаме коноутот од официјалниот Global Game Jam, потоа ја презентираме темата, пичуваме идеи и формираме тимови.
Следните 48 часа единствената грижа треба да ви биде што повеќе да експериментирате, дружите, комуницирате и уживате.
Во текот на целото време ќе бидат присутни МЕНТОРИ за да ве насочуваат и помагаат.
🍔 ЛОГИСТИКА
Сите учесниците добиваат три оброка дневно, ужини, пиење и грицки, енергетски пијалаци (за тие 18+), кафе, чај и топло чоколадо во текот на 48 часа.
Ќе добиете неограничен пристап до интернет, место за чилаксање, другарување и мување ^^
⚠️ ВАЖНО
– Иако во Base42 имаме супер струјна инсталација, пожелно е и вие да си носите продолжни кабли.
– За тие кои се со десктоп компјутери, задолжително носете си WiFi USB стикчиња.
– Секој учесник треба да ја пополни пријаватa.
– Малолетни лица треба да поседуваат потврда за дозвола за присуство потпишана од родител/старател.
🎟️ ВЛЕЗНИЦА
Учеството е 300 денари, а се плаќа на лице место кога ќе се „чекирате“.
✏️ РЕГИСТРАЦИЈА НА УЧЕСНИЦИ
Пријавувањето на џемери се прави на следната форма.
Доколку сте малолетни потребно е да имате потврда од родител дека го дозволува Вашето учество и присуство.
❓ ПРАШАЊА
Сигурно има работи кои испуштаме, но тоа не значи дека немаме одговор. За било какви прашања и предлози пишете ни на mgi@mgi.mk
Се гледаме! 👀

Кристијан Трајковски

Dark-1
Ко-Основач
Наслов на предавањето: Why jam?
Планот му е да зборува за: што не имаат научено сите game jams каде што сме биле, и како понатаму тоа ни помага
Матеј Плавевски

Студент
антички џемер
Матеј Плавевски е роден 2002 г. во Скопје и е апсолвент при УАКС, на насоката: роботика и вештачка интелигенција.
Од најмала возраст активно следи настани, натпревари и предизвици и расте, учи и созрева преку нив.
Од „детето со дронот” и „Твитер ботот за мерење на загадување”, преку финалист на Google Code In, дел од тимот кој победува на глобалниот Generation Unlimited на УНИЦЕФ, преку награди од Stellar NFT Hackathon, CyberMk 2022, Global GameJam #19 и многу други, Матеј влегува во различни сфери на ИТ светот.
Предизвици со кои се соочува во слободно време се возење велосипед низ Скопје, шетање по планини, брчкање во топли мориња, читање и следење на сѐ што се случува во светот.











