Skip to main content Scroll Top

Global Game Jam 2026 Skopje

Global Game Jam е најголемиот интернационален настан за креирање на игри кој се одржува еднаш годишно, истовремено на повеќе локации низ целиот свет во вид на 48 часовен маратон. Како дел од International Game Developers Association (IGDA) неговата цел е да ги обедини сите кои креираат или имаат желба да креираат игри и да поттикне креативност, соработка и експериментирање. Во 2023 година на Global Game Jam се сретнаа 41.000 џемери, се одржа на 802 локации во 108 земји и беа создадени точно 7.637 игри.

РЕГИСТРАЦИЈА И ПРИЈАВА НА УЧЕСНИЦИ

  1. Прво се пријавуваш тука: https://tinyurl.com/GGJ26Skopje
  2. Потоа се регистрираш тука: https://globalgamejam.org
  3. И на крај се приклучуваш на нашиот џем сајт тука: https://globalgamejam.org/jam-sites/2026/global-game-jam-skopje-2026

(планот за) ГЛОБАЛ ГЕЈМ ЏЕМ 2026 СКОПЈЕ

  1. Петок од 15:00 (околу) часот почнува регистрација и местење.
  2. Во 19:00 часот ја презентираме темата, пичуваме идеи и формираме тимови.
  3. Следните 48 часа единствената грижа треба да ви биде што повеќе да експериментирате, дружите, комуницирате и уживате.
  4. Во текот на целото време ќе бидат присутни МЕНТОРИ за да ве насочуваат и помагаат.

ЛОГИСТИКА
Сите учесниците добиваат три оброка дневно, ужини, пиење и грицки, енергетски пијалаци (за тие 18+), кафе, чај и топло чоколадо во текот на 48 часа.
Ќе добиете неограничен пристап до интернет, место за чилаксање, другарување и мување ^^

⚠️ ВАЖНО/ЗАДОЛЖИТЕЛНО

  • ЗАДОЛЖИТЕЛНО треба да си носите продолжни кабли.
  • За тие кои се со десктоп компјутери, задолжително носете си WiFi USB стикчиња.
  • Малолетни лица треба да поседуваат потврда за дозвола за присуство потпишана од родител/старател.

ВЛЕЗНИЦА
Учеството е 300 денари, а се плаќа на лице место кога ќе се „чекирате“.

❓ ПРАШАЊА
Сигурно има работи кои испуштаме, но тоа не значи дека немаме одговор. За било какви прашања и предлози пишете ни на mgi@mgi.mk

Се гледаме!

Организатор: MGI
30.1-01.2.2026
16:00
Македонски / Англиски
300 ден.
Предавачи
Nimble Giant Entertainment
Senior Game Designer
Оваа година за прв пат правиме митапи двата дена пред Global Game Jam Скопје! Идејата е да се запознаеме и дружиме со некои од поискусните во гејм дев заедницата и ќе имаме можност да чуеме нешто на тема GGJ. Мразот го крши човекот кој беше учесник, победник и жири. Некои го нарекуваат „енциклопедија за гејминг“.
INDUSTRY BUSINESS SERVICE CENTRE
Creative Director

Еден од ветераните на инди сцената за развивање на игри во Македонија. Долги години редовен учесник на GGJ во Македонија. Лани можевте да го чуете недовото предавање за тоа како на гејм џемови се развиваат скилови кои можете да ги користите во секоја компанија и да ве разликуваат од другите, а овој пат ќе ни ја објасни „Разликата помеѓу Гејм ЏЕМ и Гејм МАРМАЛАД„.